BIOLOGIYA TA’LIMIGA KOMPETENSIYAVIY YONDOSHUVNI JORIY ETISH VA TA’LIM JARAYONINI OPTIMALLASHTIRISHDA ELEKTRON AXBOROT TA’LIM RESURSLARINI YARATISH METODIKASI

Abstract

Mustaqil taraqqiyot yo‘lidan borayotgan mamlakatimizning hozirgi davrdagi ijtimoiy-iqtisodiy rivojlanish tamoyillari dunyoning rivojlangan mamlakatlar qatoridan munosib o‘rin olish uchun ma’naviy salohiyatimizni va iqtisodiy qudratimizni yanada oshirish, ularni XXI asr ilmiy-texnika taraqqiyoti talablariga javob beradigan tarzda qayta qurishni talab qiladi. Buning uchun yoshlarimizning erkin, mustaqil fikrlash qobiliyatlarini yanada rivojlantirish,  ularning bilim salohiyatlarini jahon andazalariga mos ravishda oshirish hamda kelajakda xalqimizga astoyidil xizmat qiladigan kasb egasi bo‘lib yetishishlari uchun shart-sharoitlarni yaratishni taqozo etadi. O‘zbekiston Respublikasi Xalq ta’limi tizimini 2030 yilgacha rivojlantirish konsepsiyasiga  muvofiq, O‘zbekistonning 2030 yilga kelib PISA – O‘quvchilarning ta’lim sohasidagi yutuqlarini baholash bo‘yicha xalqaro dasturida birinchi 30 ta ilg‘or mamlakat qatoriga kirishiga erishish belgilangan. Unda, ta’lim-tarbiya jarayoniga individuallashtirish tamoyillari bosqichma-bosqich tatbiq etish hamda “…xalq ta’limi sohasiga zamonaviy axborot-kommunikatsiya texnologiyalari va innovatsion loyihalarni joriy etish” xalq ta’limi tizimining asosiy maqsad va rivojlanish yo‘nalishlaridan biri etib belgilangan [1].